🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

دنياك لو تسوى من الحــزن ذره ما كان تاليها توابيت وقبور العمر يمضي بين حلوه ومـــــــــره والموت حق وقابض الروح مأمور

وان بغيت ارميه رمية عداوة كان طاح بندقي ترم المنايـا .. وانـا مـا ابـوقهـا مير اخاف من المناقيد ياظبي المـراح الفشـق وام الفشـق قافـل صندوقهـا خلف بن هذال

أدلّه هموم الصدر والحال هو الحال وصار الصدر مدهاله الهم و أدهله احاول على حلو الحلاوه وهو محال وحاول دار الحول و عمله عمله بن جدلان

حبه قدر .. ما هو بفرصه ولا حظ لا جيت ببعد عن طريقه ، لقيته اخر حياتي ضاقت برزقي الارض الين صرت اداوم بجنب بيته !

ملّ قلب وملّ عين وملّ خاطر ما فهى عنها الزمان ولا تفهّت ويا وجود اللي قضى عمره مخاطر كل ما زانت ظروفه ما تلهّت يتصبّر ويتقوّى ويتشاطر وإنّ نشده أحدٍ عن ظروفه تنهّت

أتوجّد جعلني في كل ما جاني مواجر كل يوم أشوف لي مهنة توجد واحترفها

لابوها حاجة ترخصك وانت محسوب في عيون القوم ويطيح قدرك عندها كبها لو هي ثمينة وعرضها الهبوب وانسها لا رحم ابوها على ابو جدها عبدالله بن شايق

. تَرَاهُ إذَا مَا جِئْتَهُ متَهَلِّلًا كَأَنَّكَ تُعطِيهِ الَّذي سَائِلُهْ .

ياسرع الزمن لا عاد يدرك ولا ينّاش على الهون يالرسّام لا تكمل اللوحه يمر الشهر كنه فشق مخزن الرشاش مع اللي على الحد الجنوبي رهن روحه عايض العاطفي

على حلم عمري جاري البحث والتنقيب يا خوفي يروح العمر في طرد الاماني انا والليالي نشبه الراعي مْع الذيب مغير يتحرّص كل واحد من الثاني ما اعرف اتشكّى للبشر والشكاوي عيب تعودت اشيل احزان الايام وحداني ظروف الليالي جمرةٍ فوق كسرة طيب لا زادت لهبها بان فرقي عن اقراني .

لاصار قلبك مثل وضع الفنادق تستقبل الضيفان من باب الاعجاب أبشر برشاش وعشرة بنادق مقتول والتهمه منافق وكذاب 🔫🔫

يالله تغنّيني بفضلك عن الناس مسكين من يرجى من الناس حاجه من يلتفت فالناس يُبشَّر بالإفلاس الله يعين اللي عليهم ملاجه يا الله بحظٍّ مايحدد بمقياس يخرج من بحورٍ بعيدٍ فجاجه وسط البحر عايم وماهر وغطّاس فوق البسيطة مايهاب المواجه

الافراح من نزحت الغالين منّزحه والوضع ما ينقدر شرحه ولا حكيه اقسى من الغلطه اللي في طرف مزحه واحزن من الضحكه اللي في طرف بكيه

البارحه قلبي من الوجد كنه قلب العواجي كل ما طرّيَت نوت

لا تغرّه ضحكتي مع أصدقاي وربعي عادني ببكي عليه من الوله بلحالي

البارحة كنّي على يمنى بخيل ما غير احايل في المنام محايله راحت طموحات العمر في ظرف ليل مراح بيتٍ ما اعرْف من قايله جعل العوض في ماضيٍ ما له جميل مستقبلٍ ما تنحصى جمايله

لاعب ٍ بي همي من العام لعب خبيتي وذا السنه بالذات بايعها بشقفة تمره

بين هاهي للضمير الغايب وتلبيتي شايف ٍ للحزن ضول وسامعٍ له زمره

طير ياللي ما تعدّيت الدريشه من مواويل الحزن وش عاد باقي يوم مالك من ورى الشباك عيشه غير ضيق صدورنا ويش انت لاقي

نفسي من التفكير والخاطر العمس ما عاد يجذبها على شيّ خرمه حط السهر جفني مرادٍ له من امس كنه مع جفني ذبح شاة غرمه صارت تغيب الشمس وتسفّر الشمس وانا على عيني من النوم حرمه