من طعونك لاتحن ولا تخفف أسرف ومكّن لك طعونٍ جديده ما نزفت إلا شعورً ما يجففّ ولا شكى غير الفرايد يا فريده شاعرك عن فتنتك يوم يتعفف ما تعقّد غير من سلم وعقيده والله إن ماني جحود ولا مطفف وانت في قلبي لك فعولٍ حميده انت حتى مُجمل الحكي المصفف إن نطقته صار من صوتك قصيده :) وسم

في كنفها .. و السوالف من البارح تدور نوب تبدي ما تكنّه ، ( و نوب تصبّني ) ! عيطموسً لا تلعثمت من هيض الشعور اقطعت حبل السوالف و قالت : حبّني .. وسم

قفّى زمنك و صرت نقّاض الجروح عقب الحياه اللي نعمت بـ خيرها و الذكريات اللي ورى ابوابك تلوح عن بيعتك .. ( ما واقفٍ لي غيرها ) وسم

يا لبّيه ..

طلّي .. فداك الوقت الاول و الاخير الكون كلله .. كل ما شفتك : صغر انا بـ تفاصيل الححلا .. مثل الأسير حتى لو إنّي ، مْع العرب ليثً أغر والله ما عيّفني وجيه الناس غير .. شامه و جيد و خصر و عيون و ثغر :) وسم

من قو صدماتي وفقد اقرب الناس سجيت حتى عن سلام المسلم ان قلت توي بالعمر قلت لا باس خيره ومؤمن بالقدر و اتعلم ابيّن البسمه ما كن عندي احساس وتردني العبره لا جيت اتكلم بالله علقت الامل لاطغى الياس ولاشفت كوني بالصواديف ظلم الموت حق وكم خذا له من اجناس لو ان محدن لـ الممات متولم وسم

تغيّرت ولا الوقت .. غيّر علي الناس انا صرت اخاف اللي ليا غبت دوّرني !

واقفً من دونها وقفة سفر لـ الساحه ..

من كثر ما اوافقك وادرى على قلبك واحبّه رحت من زود الثقه ما قلت لك ليه و تمهّل الامل لا صار صيّب ؟ لا تحط الظرف صبّه اتركه يروي ثرانا .. ( لين بـ أمر الله تسهّل ) ما خشيت مْن الزمان إلا على طول المحبّه وجهها من لفحة هبوب الجفى قام يترهّل .. وسم

اللهم احفظ اشقائنا في قطر شعباً وحكومه و ادم علينا و عليهم الامن والامان 🇶🇦🤍

صبااح الرضاء والنعيم .. يجود الزمن فينا .. و حنا سلايل جود و ما والله يعرقلنا ، ليا شح في جوده نحدّه و نضحك به وناقف سوات الطود لا شفنا الضعيّف طاح بين امه و عوده وصباح العوض لا شق ستر الليال السود يخلّي جميع اللي على البال موجوده .. وسم

علم الليل يلطف وانت بالذات داري لا يعيد السواه اللي معي , و يتمادا .. خايفً من بعد طول العنى و المساري ( لا يجييبك حنين ولا يجيبك منادا ) ! وسم

رغم إختلاف اوضاعنا ؟ ما احدً ملّ انا حفظت العهد .. و انتي كذلك ليييه نتذمّر ؟ دام ما نمتلك حلّ انتي كذا لي عاد .. و انا : كذا, لك وسم

( اتجّه لله ) .. و الاحساس ؟ ناده و تاجد الراحه, لو تْجـيد التوجّد صرت اشوف الهمّ يدعي للعباده ( لا هجدني , قمت لله اتهجّد ) .. وسم

عاذرك لا طال صمتك و خانتك الحروف انت عينك عن شعورك .. عليّ مسولفه

يا حيّ الهوى .. - اللي ما دخل في شعوره شكّ

بين العشااير , و بين الحِيل الضيق , ما قلت وش عنده القلب احسبه ما عاد يميل لين ارسل الحبّ ليّ , جنده شوق و طواري و خوف و ويل كلٍ قبس فالحشى , زنده حاولت ابا اسج , و اتلى الليل جت بي طيوفه على التنده .. وسم

عاشقك ودّه ليا حال دون الغيم غيم يعتلي رجمٍ مجلّي بعدك ذيابته وإن بدا يرسم ملامحك والوصف العديم انثني له لا انثنى الغيم من سبّابته قد برح من سالف الضيم والجرح الأليم بعد .. عوّد كل حقٍ على طلّابته و اتركييه بـ كل وادي من الفرحه يهيم الشغف ( كان مْتلاشي و عينك جابته ) وسم