Nabarraldek Oñatin antolatu duen kongresuan izan gara. Diziplina ezberdinetako hainbat adituk hartu dute bertan parte 'Baskonia globalizazioan' lelopean. Iragana oinarri izanda eta egungo testuingurua aztertuz, hausnarketa kolektibotik etorkizuna marraztu beharra daukagu.

Pake Leku elkarteak antolatutako Jubilatuen egunean izan gara. Gaurko omenduak, Jesusa eta Margarita. Plazera izanda zeuekin eta familiartekoekin mahaiaren bueltan barriketan egotea. Eskerrik asko antolakuntzari! Beste behin, giro aparta izan da.

Corpus egunaren biharamunean, kriskitin hotsekin bete dira herriko ikastetxe eta kaleak. Hasi da Corpus giroa. Egitarau zabala dugu datozen egunetarako. Era batera edo bestera bada ere, gozatzeko egunak datozkigu. Ondo pasa!

Suaren inguruan ospatu dugu udaren hasiera. Ikastolaren antolatuta, herriko beste hainbat eragilerekin elkarlanean, doinuz eta dantzaz berotu dugu herria. Zein ederra den horrenbeste herritar suaren bueltan dantzan ikustea!

Egindako bideak ekarri gaitu gaurdaino. Egiten ari garenak sortzen du biharra. #Ipuscoa|tik hamar mende igaro diren honetan, Gipuzkoako udal ordezkariok Tolosako Euskal Herria plazan bildu gara soka-dantzan, gure lurraldearen balioak eta kultura aldarrikatzeko.

Euskararen kontrako ebazpen berri bat izan dugu asteon. Larria da egoera. Euskararen bideak konpromiso irmoak exijitzen ditu. Kontrako neurri eta jarrera gogorrak etorri zaizkigu azkenaldian. UEMA|ek deituta, udaletxe aurrean bildu gara epaia salatzeko. Aski da!

Euskalgintzaren Kontseiluak deituta, 200dik gora udal ordezkari bildu gara euskararen kontrako azken epaia salatzeko. Euskararen kontrako erasoen aurrean, urrats berriak behar ditugu, euskarak merezi duen lekua izan dezan behingoz, bermeekin. Geldi egotea ez da aukera bat.

Oñati-Boise programaren 50. urteurrenaren ospakizunekin jarraitzen dugu. Orain, Boisen gaude, euskal komunitatearekin batera, egitarau bereziaz gozatzen. Iñaki Galdosen "Abentura bat baino gehiago" liburuaren ingelesezko bertsioarekin eman genion hasiera Boiseko ekitaldiei.

Boiseko udaletxe aurrealdean, ikurriñaren igoerarekin ekin diogu gaurko egunari. Bertan izan gara erakunde ezberdinetako hainbat ordezkari, euskal herriko eta diasporako komunitatearekin bat eginez.

Zortziak Bat nazioarteko sinposioaren amaierako ekitaldian, eta duela 51 urte Oñatin bizitakoa eskertuz, Oñatiko Udalak oroigarria jaso du. Eskerrik asko eta zorionak zuei ere egunerokoan egiten duzuen lanarengatik.

Urtero lez, gaur, Arantzazu izan dugu topaleku. Egun berezia da Oñatirendako eta Gipuzkoa osorako. Aurten gainera 75 urte igaro dira basilikaren lehen harria jarri zenetik. Mila esker dantzariei, txistulariei eta urtez urte horren ondo hartzen gaituzuen frantziskotarroi.

Nolakoa izan behar luke Debagoieneko energia trantsizioak? Norantz egin behar genuke? Zein norabidetan? Hori guztia eta askoz gehiago erabakitzeko sortu da Argitzen. Datorren astelehenean duzu prozesua bera ezagutzeko aukera. Zain izango gaituzu.

Zenbat gozatu genuen atzoko Oñatiko Mendi Martxako ibilaldian! Giro ederra, konpainia hobea, ezin gehiago eskatu. Urtero bezala, bikaina atzean dagoen antolakuntza guztia. Mila mila esker honen bueltan lanean ibili zareten guztioi, eta zorionak X. urteurren honetan. #OMM

Oraindik herriko jaiak hasi ez ditugun arren, nabari da jai giroa. Egun berezia gaurkoa. Atxolorra, erraldoien konpartsak, haurren danborrada... Egun berezia, benetan. Mila esker ekintzotan parte hartu duzuen guztioi. Ongi etorri, oñatiar jaio berriei.

Lege Soziologiako Nazioarteko Masterraren hasiera ekitaldian izan gara, ikasle eta akademikoei ongi etorria ematen. Sorreratik mendeak igaro diren arren, heziketaren eta ikerketaren alorrean erreferente izaten jarraitzen du Oñatiko Unibertsitateak. Urte emankorra izan dadila!

Ederra izan zen atzo herriko plazan bizi izan genuena. Plaza bete zuen Bulego taldeak. Giro paregabea izan genuen. Asteburua hasi da, eta egun bat besterik ez da gelditzen txantxiku jaitsierarako.

Jaiak hastear ditugu. Bihar, eztanda egingo du festa giroak. Baina ez gara mugez gaindiko bidegabekeriez ahazten. Oñatiko jaietan ere, gogoan dugu Palestina. Oñatiko jaietan ere, Israelen genozidioa salatuko dugu. Beste keinu txiki bat, sarraskia geldiarazteko.

Oñatin aurkeztu du Goienagusi|k ikasturte berria. Hamalaugarrena izango da. Aurkezpen ekitaldian izan gara. Askotariko ekintzak iragarri dituzte. Hitzaldiak, ikastaroak, mendi irteerak, bisita gidatuak... Egitarau oparoa eta interesgarria, askotariko debagoiendarrentzat.

Palestinaren kontrako genozidioa eta Global Sumud Flotillaren bahiketa salatzeko mobilizazioan izan gara. Mugarik gabe erasotzen, laguntza humanitarioa geldiaraztea... Israelen ekintzen bortizkeriak ez du mugarik. Noiz arte?

Palestinaren kontrako genozidioa salatzeko hitzorduak izan ditugu. Gaur ere, bete egin da Oñati. Harro, gure herriaz eta gure inguruneaz (ikasleak, enpresa eta kooperatibetako jendea, irakasleak, pentsiodunak...). Gu, ez gara egon, eta ez gaude, bidegabekeriak onartzeko prest.