🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

#_ابيات_جديده_لعلها_تنال_اعجابكم

تحت دبرة الله ماعلينا خلاف وخوف تمر السنين وتمشي إن سرّت وضرّت ، تغر الحياة قليّل العرف والمعروف وإذا ماغرّت الطيّب فماشوفها غرّت ، على خبرك ندله خواطر ونبعد شوف ياكم قلبٍ أضحكنا وكم روحٍ إنسرّت ، لونخاف من باكر ترى الخوف كل الخوف تكـون أجمـل أيام العمـر بالفعـل مرّت/ م

عسى راعي المعروف لـ احتاج للمعروف يجيني بوقت … اقدر على رد معروفه لكن المصيبه لا يجي والظروف ظروف يبي فزعتي وظروفي اصعب من ظروفه . عبدالله بن غنام الاكلبي

: يارب تجعل لنا .. من كل همٍ فرج ياكاشف الهم يالله ياللطيف الخبير أنت الذي لا طلبتك .. مالحقني حرج وانت الذي يرتجي مدك صغير وكبير النجم العالي

مجرد ذوق

أعوذ بك ربي من الخوف ومن الوسواس ومن حاجةٍ مالي بها قوه ولا حِيلة فيك الرجى ما خاب يارب الفلق والنّاس ومنك الامل ما مات لا لحظة ولا ليلة أنت اليقين اللي قطع حبل الجزع واليأس وانت الامان اللي بخوفي دايم اشْكي لة لشاعرها

سترك علي يا الله .. من يابس الريق ومن خوتن .. أجهل دواعي " غرضها أنا السعى لو يتملي " هالصدر ضيق حتى ولو .. الناس " تاكل بعضها صدور عكفان الشوارب " صناديق والعوجا أن جات الخبل " يعترضها ماني وأنا .. منصىٰ الرجال المطاليق إن كان غيبت صاحبي " ما أحفضها #فهد_العدواني

الشاعرسعد بن دباره

بكيتك وأنا اللي مابكى غير من فرقاك وببكيك . . . لين ان المخاليق تبكيني كسرني رحيلك جعل جنة عدن مثواك تلاشت عزومي . . وذبلت زهرة سنيني اقبّل ثرى قبرٍ . . سكن جوفه محياك وانادي وارد الصوت .. يافلان توحيني؟ عسى الله يغفرلك كثر ماعطت يمناك وعسى الله يصبرني ، كثر مابكت عيني/ م

تجارب الايام في اقبال واقفاي عرفت منها عقب ما غربلتني ما به يمين تعزني مثل يمناي ولا فيه متن يشيل لي مثل متني خليل بن هدلان

على الله جميع ارزاقنا والرجاء بالله وعبدن رجاء بالله ما خاب له رجــوى كريمن على عبده ليامن طلبه اعطاه وهو ملتجاا المخلوق لا صابته بلوى نصلي له افروضه ونسجدله ونخشاه نبي جنتـه يالله عسااهاا لنـاا مثـوى #غالب_بن_زميع

من يصددعنك لصرت في حاجه لا ترحبه الى زانت اظروفك

بغيت اعدل مايل الناس وازريت ازريت اعدل مايل ن في ضميري

تجود بالرجال الصامتين الندر الاحرار رجال يحتمون هروجهم والمرجله عسره ، ترى هراجة المجلس مثل خطابه المسيار مهيب موردتك الا على عرجا ومنكسره/ م

ماضاقت الأرض عند الله مجال وسعه والناس بعقولها وتميز حدودها واللي يضيع الضحى لايحسب إنا معه الناس نعرف مدايحها ومنقودها ياناس درب السنع مايقبل المعمعه دربٍ يعزل الدروب البيض من سودها منهاج قرمٍ كثير الهرج مايسمعه قرمٍ يحلّ الصعاب وينقض عقودها #لاحق_العضياني

نمر المنازل بالدقايق وبالساعات ولا اشوف من سكانها زايل زالي ليامن نشدت فلان موجود قالو مات ولا باقين غير الله الواحد الوالي تمر السنين الجرد وأيامهن عجلات وأنا كل يوم أطالع النقص في حالي سمير بن صليهم

لا خاويت خاو معرّب من خوال و جد تجنّب متابيع الرجال و علايقها ضعيف الهقاوي حط بينك وبينه حد الانذال مايلقى المعزه مرافقها👌

الثلاث اللي توصــــلك لـ نجاحك طيب عزم وطيب عرف وطيب نيه ون حصل معهن قبل تنهض جناحك طيب قول وطيب طبع وطيب جيه أختصرت من الليــــال ومن كفاحك أكثـــر من النصف من هـــذي وذيه وإن كسبت المجد لا تخسر فلاحك بالتعــــالي والتـــزري والخطيـــه #بدر_العدوان

الا يا مجيب دعاي و دعاي لك وحدك طلبتك إذا جيتك ~ من النار تعتقـني تعاليت فوق العرش ، و انا على عهدك أهدّي جماح النفس و العمـر يسرقـني عليك أتوكّـل و أنت ربي و أنا عبدك اذا مـا تيسّـر حآجـتي منْ بـ يرزقـني #محمد_رده

سامحونا يالأحباء وأعذرونا ان حصل منا غلط والا خطيه وان فقدتونا على الطيب أذكرونا بدعوةٍ عن ظهر غيب وحسن نيه لشاعرها __________ نستودعكم الله القاكم على خير أن كان فى العمر بقية #خروج_مؤقت